1

O AECT Río Miño urxe á Xunta que execute o acordo para activar a ‘tarxeta transfronteiriza’ ante o peche de Portugal

O Agrupamento Europeo de Cooperación Transfronteiriza AECT Río Miño urxiu hoxe á Xunta -en boca do seu vicedirector e deputado Uxío Benítez- que execute o acordo do Parlamento galego para activar o a ‘tarxeta transfronteiriza’ que facilitará o paso da raia a todas as persoas que viven ou traballan a ambos lados do río.

O nacionalista lembrou que o Parlamento aprobou por unanimidade a proposición non de lei presentada polo grupo nacionalista en reunión do 11 de decembro da Comisión 1ª Institucional, de Administración Xeral, Xustiza e Interior sobre a tarxeta transfronteiriza. Entón, a Xunta comprometeuse a impulsar entre os gobernos español e portugués o estudo de fórmulas como a do carné transfronteirizo para evitar os efectos negativos das limitacións de paso na fronteira por motivos de saúde pública. Nestes momentos, a pesares dese acordo, afirma Benítez, “non se coñecen pasos para facer diso unha realidade”.

O deputado de Cooperación Transfronteiriza Uxío Benítez subliña que a tarxeta transfronteiriza axilizaría a vixilancia policial e sanitaria.

O deputado puxo sobre a mesa que o carné cidadá transfronteirizo permitiría unha identificación áxil e rápida nos puntos de vixilancia policial e sanitaria existentes nas fronteiras e evitaría situacións como os do anterior confinamento, cando as persoas traballadoras dun e doutro lado da fronteira estaban obrigadas a pasar por un único punto, a ponte de Tui-Valença, onde se formaba un ‘tapón’ de vehículos con varias horas de espera.

Benítez insistiu, de feito, en que é preciso que se manteñan abertos os seis pasos da provincia con Portugal, pero “sempre con todos os controis necesarios e garantías de saúde, algo para o que a tarxeta transfronteiriza faría moito máis áxil”.

“Non podemos vivir outra vez o doble impacto que padecemos entre os 17 de marzo e o mes de xuño coa fronteira pechada a cal e canto, ten que haber permeabilidade aínda que cos debidos controis. Non se pode complicar a vida á xente traballadora transfronteiriza”, insistiu.

O deputado lembrou unha vez máis que a fronteira de Pontevedra e Portugal é a máis dinámica social e economicamente de toda a península, xa que con 70 quilómetros dos 1.200 entre España e Portugal –só o 5%- asume o paso do 50% dos vehículos. En calquera caso, recoñeceu que as relacións transfronteirizas no territorio están suspendidas case na súa totalidade neste momento, con Galiza tamén autoconfinada por municipios e sen circulación ata o 17 de febreiro excepto para causas imprescindibles e debidamente xustificadas.

O nacionalista reivindica fondos europeos como compensación ao dobre golpe socioeconómico da COVID para o territorio do Miño.

Reivindicou que, de cara á recuperación, “despois da tormenta, a bonanza debe chegar para todos, e os condados fronteirizos e as súas poboacións deben ser considerados por ambos os Gobernos, para non volver caer no esquecemento ”.

Subliñou a necesidade de que os territorios transfronteirizos apliquen a figura de ITI -Intervención Territorial Integrada- para o período 2021-2027, co propósito de autorizar un programa de acción concertada para o próximo período de programación de fondos comunitarios. “Os fondos europeos deben asignarse verdadeiramente como medida compensatoria a este dobre golpe socioeconómico que sente o territorio do Miño”, finalizou.




O AECT Rio Minho reúnese coa Secretaria do Estado de Portugal para a valorización do interior para reforzar a vontade de aplicar o ITI Transfronteirizo

Ante o proceso de planificación estratéxica para o río Minho Transfronteiro 2030, a AECT Río Minho reuniuse coa secretaria de Estado de Valorización Interior de Portugal, Isabel Ferreira. A reunión, que tivo lugar en Vila Nova de Cerveira e contou coa presenza do director da AECT, Uxío Benítez, o subdirector e tamén alcalde de Vila Nova de Cerveira, Fernando Nogueira, servíu para presentar os obxectivos e prioridades da agrupación territorial, incluída a vontade de implementar un Innvestimento Territorial Integrado, o ITI transfronteirizo no marco da política de cohesión da UE.

Repasando o camiño emprendido, a nivel
de accións, actividades e proxectos, o director da AECT de Rio Minho, Uxío
Benítez, subliñou que, na lóxica do desenvolvemento integrado, “é esencial
que para o período 2021-2027, os territorios transfronteirizos poidan aplicar a
figura do Investimento Territorial Integrado (ITI) promovendo accións
artelladas no seguinte período de programación de fondos comunitarios e non
limitándose só á verticalidade da aplicación da posible nova xeración do
programa INTERREG”.

O presidente Uxío Benítez destacou no encontro a importancia de utilizar o instrumento de xestión e garantir o aproveitamento dos fondos comunitarios

Segundo indicou Benítez, o Investimento Territorial Integrado (ITI) é un instrumento de xestión que permitirá optimizar e integrar fondos europeos garantindo o seu máximo aproveitamento. Para a súa implementación, lembrou o presidente do AECT, é necesario contar cunha serie de requisitos que o agrupamento cumple perfectamente, xa que  “ademais de contar cunha situación xeoestratéxica e un enorme potencial de desenvolvemento económico do territorio, temos un documento estratéxico e unha folla de ruta co que queremos facer de aquí ao 2030”.

“A creación
dunha ITI para o territorio transfronteirizo durante o próximo marco comunitario
dos Fondos Europeos encaixa perfectamente co noso proxecto”, insistiu Benítez,
quen manifestou a importancia de que exista unha alianza estratéxica cos
estados, porque estes teñen a decisión final sobre a súa aplicación, “pero
tamén co resto de administracións rexionais e locais”, polo que instou a todas
elas a comprometerse con este proxecto “xa que aí está a clave”.

Isabel Ferreira manifestou o compromiso de colaboración co AECT Rio Minho e definiu os AECT como “instrumentos privilexiados de cooperación” na programación 2021-2027

Pola súa parte, a secretaria de Estado
de Valoración do Interior, Isabel Ferreira, salientou a importancia que supón
para o Goberno portugués a cooperación transfronteiriza, concretamente a través
da creación do Ministerio de Cohesión nesta lexislatura, e manifestou a súa
disposición a colaborar e apoiar a AECT Rio Minho. Asegurou que ten en conta o
papel que as AECT poden xogar como instrumentos privilexiados de cooperación no
proceso de programación para o próximo período de fondos comunitarios
2021-2027.

Dende a súa recente constitución, o
AECT Río Minho colabora en tres proxectos cofinanciados polo Programa Interreg
V A dirixidos a promover o patrimonio cultural e natural transfronteirizo; á
articulación do espazo común e o aumento da cohesión institucional no seu
territorio; á promoción do territorio da AECT de Rio Minho no exterior para
potenciar os recursos endóxenos; e á creación e consolidación da marca
turística transfronteiriza Rio Minho.